ప్రస్తుతం తమిళం లో టాప్ కమెడియన్ గా జోరుమీదున్న సంతానం మరో వైపు హీరోగా కూడా బిజీగా ఉన్నాడు ? ప్రస్తుతం చేతినిండా ప్రాజెక్టులతో కామెడి సీన్లు చేసుకుంటున్న సంతానం త్వరలోనే మరో ప్రాజెక్టులో హీరోగా నటిస్తాడని కూడా కోలీవుడ్ వర్గాలు అంటున్నాయి. లేటెస్ట్ గా ఈ స్టార్ కమెడియన్ కు టాప్ హీరోయిన్ల పక్కన నటించే చాన్స్ వచ్చిందట ? నయనతార, త్రిషను హీరోయిన్లుగా పెట్టి ఓ సినిమా తీస్తామని అందులో నటించమని ఇతగాడిని అడుగుతున్నారట ? అటు సంతానంతో నటించేందుకు ఇద్దరు హీరోయిన్లు కూడా ఓకే చెప్పారు. అయితే ఒకే సినిమాలో కాదు లెండి నయనతో ఒక మూవీ, త్రిషతో మరో ప్రాజెక్టులో కామెడి కింగ్ కన్పించనున్నాడు. కోలీవుడ్ లొ హీరోల కంటే బిజీగా ఉండే కమెడియన్ సంతానం. ఆయన కాల్షీట్ల కోసం డైరెక్టర్లు ఎదురుచూస్తుంటారు. దాదాపు అందరు పెద్ద హీరోలతో నటించి మంచి గుర్తింపు పొందాడు. తమిళంలోనే హీరోగా సినిమాలు చేస్తున్న ఈ నటుడు, అవకాశం వస్తే త్వరలోనే తెలుగులో కూడ నటిస్తానని చెప్తున్నాడు.
No comments:
Post a Comment