ప్రణీత పై త్రివిక్రమ్ ఫైర్.

                                              


ప్రస్తుతం త్రివిక్రమ్- అల్లు అర్జున్ కాంబినేషన్లో రూపొందుతున్న చిత్రంలో మూడో కథానాయికగా మొదట్లో ప్రణీతను ఎంపిక చేసుకున్నారని...అయితే, ఆఖరి నిమిషంలో ఆమె బదులు నిత్యా మీనన్ ను తీసుకున్నారని మీడియాలో కొన్ని రోజుల క్రితం వార్తలు వచ్చాయి. దీనికి సంబంధించిన ఆసక్తికర సంఘటన ఆలస్యంగా ఇప్పుడు వెలుగులోకొచ్చింది. ఈ చిత్రంలో హీరోయిన్ గా ముందు ప్రణీతనే తీసుకున్నారట. ఆమెతో కొన్ని రోజల పాటు షూటింగ్ కూడా చేశారని తెలుస్తోంది. అయితే, షూటింగ్ లో ఓ రోజు ప్రణీతపై త్రివిక్రమ్ కోప్పడ్డారని సమాచారం. సినిమాకి సంబంధించిన ఓ కీలక సన్నివేశంలో, ప్రణీత ఎలా ఉండాలో త్రివిక్రమ్ ఆమెకు ముందుగానే సూచించాడట. అయితే, షూటింగ్ రోజున ప్రణీత తాను ఊహించిన దానికి పూర్తి భిన్నమైన లుక్ లో సెట్ లోకి రావడంతో, అందరిముందు త్రివిక్రమ్ ఆమెపై ఫైర్ అయ్యాడట. దీంతో, తీవ్ర ఆగ్రహం చెందిన ప్రణీత ఈ ప్రాజెక్ట్ నుంచి తప్పుకుంటున్నానని చెప్పి వెంటనే సెట్ ను వదిలి వెళ్లిపోయిందట. ఈ కారణంగా, ఆమె స్థానంలో హడావుడిగా నిత్యామీనన్ ను త్రివిక్రమ్ ఎంపిక చేశాడని సమాచారం.