అఖిల్ నటించే తొలి సినిమా లో నితిన్ గెస్ట్ రోల్.

                                         

 అక్కినేని మరో నట వారసుడు అఖిల్ నటించే తొలి సినిమా ఓపెనింగ్ నవంబర్ 14న సినీ ప్రముఖుల సమక్షంలో హైదరాబాదులో గ్రాండ్ గా జరగనున్న విషయం తెలిసిందే. వి.వి. వినాయక్ దర్శకత్వంలో తెరకెక్కనున్న ఈ చిత్రాన్ని శ్రేష్ఠ్ మీడియా పతాకంపై నితిన్ తండ్రి సుధాకర్ రెడ్డి నిర్మిస్తున్నారు. నాగార్జునకు, సుధాకర్ రెడ్డికి చాలా కాలంగా మంచి స్నేహ సంబంధాలు ఉన్నాయి. ఈ కారణంగానే, అఖిల్ తొలి చిత్రాన్ని సొంత నిర్మాణ సంస్థ అన్నపూర్ణ స్టూడియోస్ పై నిర్మించకుండా, సుధాకర్ రెడ్డికి అప్పజెప్పారని తెలుస్తోంది. ఈ సినిమాకు సంబంధించిన మరో ఆసక్తికర విషయమేమిటంటే, సొంత నిర్మాణసంస్థ కావడంతో, ఈ సినిమాలో గెస్ట్ రోల్ చేయడానికి నితిన్ ఒప్పుకున్నట్టు తెలుస్తోంది. నితిన్ క్యారెక్టర్ ఈ చిత్రానికి స్పెషల్ ఎట్రాక్షన్ గా ఉంటుందని సమాచారం.