బాలీవుడ్ లో వరుసగా క్రేజీ సినిమాలను సీక్వెల్ చేస్తున్న విషయం తెలిసిందే . లేటెస్ట్ గా బాలీవుడ్ సీక్వెల్స్ కోవలో 'స్టూడెంట్ ఆఫ్ ద ఇయర్' సినిమా కూడా చేరిపోతోంది. రెండేళ్ల క్రితం వచ్చిన ఈ చిత్రం బాక్సాఫీసు వద్ద అప్పట్లో మంచి విజయాన్ని నమోదు చేసింది. ప్రముఖ ఫిలిం మేకర్ కరణ్ జొహార్ నిర్మించిన ఈ చిత్రంలో అలియా భట్, వరుణ్ ధావన్, సిద్ధార్థ్ మల్హోత్రా వంటి నూతన తారలు నటించారు. ఇప్పుడీ చిత్రానికి సీక్వెల్ నిర్మించే ప్రయత్నాలను కరణ్ చేస్తున్నాడు. ఇందులో హీరో పాత్రకు టైగర్ ష్రాఫ్ ఎంపికయ్యాడు. ప్రముఖ నటుడు జాకీ ష్రాఫ్ తనయుడైన టైగర్ ష్రాఫ్ ఇటీవల నటించిన 'హీరో పంతి' చిత్రం విజయం సాధించడంతో ఆయనకు మంచి క్రేజ్ వచ్చింది. దీంతో ఇతనిని తీసుకోవాలని కరణ్ అనుకున్నాడట . ప్రస్తుతం ప్రీ ప్రొడక్షన్ పనులు జరుగుతున్నాయి .
No comments:
Post a Comment